ဖုန်းထဲမှ Call Waiting ဆိုတဲ့စနစ်အကြောင်းအမေး/ဖြေ

ဖုန်းတွေမှာပါတဲ့ Call Waiting ဆိုတဲ့စနစ်မှာက ဖုန်းပြောနေတုန်းမှာ အခြားနောက်ထပ်ဖုန်းတစ်လုံးက ၀င်လာခဲ့ရင် စကားပြောနေတုန်းမှာ ကိုယ့်ဖုန်းမှာ အသံလာမြည်နေပါတယ်။ အဲဒီစနစ်က ဖုန်းပြောတာကို အနှောင့်အယှက်ဖြစ်နေတဲ့အတွက် အသံမမြည်ပဲ အချက်ပြနိုင်အောင်လုပ်လို့ရနိုင်ပါသလား။
ဖုန်းမှာပါတဲ့ Call Waiting စနစ်ကတော့ ဖုန်းတစ်ခုကိုလက်ခံပြောနေတုန်းမှာ အခြားနောက်ထပ်
ဖုန်းတစ်လုံးက ၀င်လာခဲ့ရင်တော့ သူက နောက်ထပ်ဖုန်းတစ်လုံးထပ်ဝင်လာကြောင်းကို အသံနဲ့ပဲ အချက်ပြနေမှာဖြစ်ပါတယ်။ အဲဒီစနစ်ကို အသုံးမပြုချင်ဘူးဆိုရင်တော့ မြန်မာ့ဆက်သွယ်ရေးမှာ သွားပြန်ပိတ်မှရပါမယ်။ အဲလိုမှမဟုတ်ဘူးဆိုရင်တော့ နောက်ထပ် Service တစ်ခုဖြစ်တဲ့ Call Back Number ဆိုတဲ့စနစ်ကို အသုံးပြုမယ်ဆိုရင်တော့ အဆင်ပြေနိုင်ပါတယ်။ ဒီစနစ်က ဖုန်းပြောနေတုန်းမှာ နောက်ထပ်ဖုန်းတစ်လုံး ထပ်ဝင်လာတယ်ဆိုရင် အသံမပေးပါဘူး။ ခေါ်တဲ့တဘက်ဖုန်းကို ဖုန်းမအားသေးကြောင်း ဖြေကြားပေးမှာဖြစ်ပြီး ဖုန်းပြောနေတဲ့သူကို အနှောင့်အယှက်မပေးပဲနဲ့ ဖုန်းရဲ့ Server စနစ်ထဲမှာ ထပ်ဝင်လာတဲ့ဖုန်းကို
မှတ်ထားပေးမှာဖြစ်ပါတယ်။ အဲလိုမှတ်ထားပေးပြီးရင်တော့ မိမိဖုန်းကဖုန်းပြောလို့ပြီးတဲ့အချိန်မှာ Server ကနေပြီးတော့ ဘယ်ဖုန်းနံပါတ်က ဘယ်ချိန်မှာ မိမိဖုန်းကိုခေါ်သွားပါတယ် ဆိုတဲ့အကြောင်းကို Message တစ်စောင် ပို့ပေးမှာဖြစ်ပါတယ်။ ဒီစနစ်က ဖုန်းပြောနေတာကို အနှောင့်အယှက်မဖြစ်နိုင်ပါဘူး။